Presidentja e Kosovës, Vjosa Osmani, gjatë qëndrimit në Moldavi ku është pjesë e Samitit në Komunitetin Politik Evropian, është takuar me presidentin e Ukrainës, Volodymyr Zelensky.
Osmani në këtë takim i ka shprehur solidaritet të plotë presidentit të Ukrainës, vendi i të cilit është në luftë me Rusinë që kur kjo e fundit e nisi pushtimin e paprovokuar në shkurt të vitit të kaluar.
Përmes një postimi në rrjetin social Twitter, Osmani ka postuar foto dhe detaje nga ky takim.
“Askush nuk e kupton dhimbjen, luftën dhe qëndrueshmërinë e Ukrainës më mirë se populli i Kosovës. Asgjë nuk mund ta pengojë vullnetin e një populli për të qenë i lirë”, shkruan Osmani.
At times when it matters where you stand, I expressed our full solidarity to President @ZelenskyyUa. No one understands Ukraine’s pain, struggle and resilience better than the people of Kosovo.
Nothing can stand in the way of a people’s will to be free. #SlavaUkraini pic.twitter.com/tEJ3Q5i57X
— Vjosa Osmani (@VjosaOsmaniPRKS) June 1, 2023